Jogja Ora Didol

Lur, aku meh curhat... (Copas dari Facebook)

Jogja ki nek ra mbok cekeli mengko nasib-e gur koyo mantan-mantan bribikanmu, sing lagi anget-angete mbok godhani ngerti-ngerti ucul diciak mbek kanca kenthelmu dhewe. Mending nek gur padha-padha digodhani, ha nek luput nganti daden lak marakke ngelu buooos!

Saiki alas-alas daerah "sub-urban" wae wes bubrah dadi apartemen sing tingkate le ndelok nganti ngacengke gulu sakpole. Tengen kiwane dipager dhuwur ha mbok pikir kene ki meh do ndelok lehmu padusan po piye? Po wegah terkontaminasi karo ambu ambu kampung sekitare?

Banyu barang yo dadi mbuajing le gawe sumur isa-isa limang taun meneh kudu ngebor sing jerone nganti limangatus meter neng ngisor lemah. Kabeh-kabeh dipageri ha piye le meh srawung karo tangga teparone? Jan ra njawani blas! Ha mending nek ngebor sumur sing jerone sakmono mengko metune iso langsung Coca-cola, ha iki banyu campur lendhut we isih mbuh-mbuhan.

Kae nek ngerti neng ringroad Jakal cerak otlet obat kuat, tambah baliho anyar gedhe siji meneh ndhepaplang neng ndhuwur dalan. Wis sesuk rasah ngimpi meneh pendhak esuk isa nyawang Merapi, isa ngintip pucuke po kukuse sing metu wae wes untung. Wis cetha kalah karo tulisan, "Terimakasih warga Jogja, Apartemen X Sold Out, Senang Berbisnis di Jogja."

Wis ngono kok ya isih ono sing ngeles, "Ayo, ayo ke Jogja! Jogja masih nyaman dan istimewa kok!"

Muatamu syuuu! Kuwi sing ngomong kaya ngono mesthi anake rung tau dipakani cor-coran pondasi apartemen UTTARA.

JOGJA ORA DIDOL? HA YO RA DIDOL WONG WIS PAYU~

Terus jane aku gawe analogi cinta-cintaan mau ngapa? Yo mbuh, aku janjane yo mung pengen curhat :(

--------------
Status ini bukan tulisan saya. Saya ambil dari sebuah grup di Facebook yang sangat terkenal bernama 'Info Cegatan Jogja'. Saya sunting seperlunya. Saya unggah di laman Facebook saya sebagai bagian dari rasa bersalah 'kaum pendatang' di Yogya yang belum bisa berkontribusi apa-apa.

Salam aspal nggronjal...
Puthut EA